K.И. Наманган красноармеец чăваш халăх поэчě С.В. Эльгер патне çырнă çыру

1942 çул, çěртме уйăхěн 17-мěшě

Хаклă та хисеплě Семен Васильевич, сирěн çырăва, шутсăрах кěтсе пурăннă çырăва илсен эпě мěн тери хěпěртенине ěненěр-ши эсир. Вěçě-хěррисěр савăнтăм, кăмăл уçăлса кайрě, пěчěк ачасем пек ташлама та хатěр пултăм (кунта йăли çавăн пек, çыру панă чухне ташлаттараççě, пěр евěрлě кичемлěхе мěнпе те пулин сирес пулать). Пěр именмесěрех калатăп, ик-виçě хут вуласа тухрăм ăна. Петтоки вилни тěлěнтермест мана, çапăçура унсăр пулмасть, анчах Ивнин вилни питě тěлěнтерчě. Сывă çын пекех çÿретчě-çке вăл, мěнле вара çав тери хăвăрт çавăрса пăрахнă ăна. Пурте пекех тухса кайнă мěн çара, халăх та нумай кирлě çав çавнашкал вăйлă тăшмана çěмěрсе тăкма. Çирěп тăраççě мурсем. Хаçатсем çинче нумайěшěсене çырмаççě, анчах хаçатсенче çырманнисене нумай пěлкелетпěр кунта. Вěсем çинчен хăçан та пулсан, кайран, курнăçса калаçнă чухне каласа парăп.
Кěçех эпир те вут-çулăм ăшне кěрсе каятпăр пулмалла. Пěр эрне каярах кěçех тухса каймарăмăр, темěнле сăлтавпа вара, пирěн батальон вырăнне урăх батальона кăларса янă. Халě эпě малтан шутланса тăнă ротăна (мана каллех çав рота çумне çыпăçтарчěç) урăх батальона куçарчěç. Пирěн рота кěçех çав батальон тăракан вырăна куçмалла. Унтан вара е фронта, е çав вырăнтах оборонăра тăма юлатпăр. Халлěхе каласа пама пултараймастăп.
Ку таранччен лăпкă пурăнтăмăр-ха. Хамăр хушăра минăсем çине пырса кěрсе, гранатăсем пăрахнă чухне вилекенсем пулкаларěç, ну, вěсем хăйсем айăплă унта. Кунта уйхирсенче кашни утăма сыхланса, асăрханса пусас пулать. Сисместěн те мина çине пырса тăрăнатăн, вара, хăвăрах пěлетěр, пÿрнеске пек татăксем çеç юлаççě. Ыттисем хăрушах мар, мина чылаях хăратать. Хальхи вăрçăра чи хăрушшисенчен пěри çав ěнтě. Снарядсемпе пульăсем, бомбăсем ун пекех шăлмаççě, мина вара çавапа пěрех, тěпěнчен çулать.
Халě эпě Чернышев графпа Гончаровăн (Пушкин арăмě çуралнă вырăн) паркěн пěр уçланкинче ларатăп. Шутсăр чаплă раща. Тěрлěрен йывăçсем, кукăр-макăр йывăç пěрре те çук, пурте яштака. Кайăксем шутсăрах нумай, юрлаççě. Çил хěвеланăç енчен вěрет, вăт вара çав çил татти-сыпписěр тупă сассине хăлха патне илсе килсе çитерет. Унта Ржев хулишěн çапăçу пырать. Вěсене¹ йěри-тавра çавăрса илнě пулсан та, хăйсен ирсěр шухăшне пăрахмаççě-ха вěсем. Пирěннисем Атăлăн сулахай енче, вěсем сылтăм енче (хула варрипе Атăл тухса каять) лараççě. Пěр хула икě çар аллинче. Парăнмаççě мурсем. Ну, вěсене çак çитес çывăх вăхăтрах тěпретеççě, пирěннисем унта нумай кайрěç. Вěсем² хăйсен умěнчи вырăна темиçе километр тăршшě минăсем хурса тухнă та пыма май çук. Халě пирěн çав минăллă уйхир урлă каçса пăвса хумалла вěсене. Çăмăл мар вăл минăсем витěр тухса кайма.
Лондонпа Вашингтонра договорсем туни пире питě савăнтарчě. Пуринчен ытла çав иккěмěш фронта хытă кěтетпěр. Иккěмěш фронт уçăлсан, кунтан хěвеланăç еннелле кайма нумай çăмăл пулнă пулěччě. Нимěçсем вăйсăрланни питех те сисěнет. Март пуçламăшěнче кашни каç пирěн пуç урлă Мускавалла вěçсе каçса кайса килетчěç, вара тěттěм каçсенче Мускав çывăхěнче вěсене зениткăсенчен пенě çутăсем иллюминаци тунă пек курăнатчěç. Халě ěтнě вěсене нумайранпа курман та, илтмен те. Инçетрен килекен тупă сасси кăна хăлхаран каймасть. Черчилльпе Рузвельт хăйсен сăмахне васкарах пурнăçласан, Гитлер вара, фашистсем хăйсем каланă пек, капут. Çавна шутсăр кěтетпěр.
Паян, сирěн çырупа пěрле, арăм ярса панă «Красная Чувашия» хаçатсене илтěм, анчах вěсенче эпě кěтнě япаласем çукпа пěрех. Информбюро пěлтерěвěсемпе эпизодсем çеç. Вěсене эпě «Правда» хаçатра та пěр сиктермесěр вуласа пыратăп. Вěсене мар, республикăри хыпарсене пěлес килет, анчах вěсем çинчен питě сахал. Парти активěн пухăвě çинчен, пирěн делегаци фронта кайса килни çинчен вуларăм. Шупашкарта вăн трофейсен выставкине уçаççě-мěн. А кунта вара кашни уйрах, кашни ялтах «трофейсен выставки». Уйсенче, вăрмансенче юр ирěлнě чухне мěн чухлě нимěç, нимěçсен хěçпăшалěсемпе танкěсем, повозкисем, автомашинисем выртаччěç. Пурне те пăрахса тарнă. Вěсем халь те пайтах выртаççě, танкěсем те лараççě, çěмěрěлнě, тěрěссипе çěмěрнě вěсене. Эпě те пěр нимěç офицерěн сехетне тупрăм. Хăйěнчен погонěсемпе френч татăкěсем тата фотокарточкисем кăна юлнă. Пěтěмпех арканса кайнă. Пилотки пěр çěрте, противогазě тепěр çěрте, френч татăкěсем ана тăршшěпех сапаланса выртаççě. Сехетне те пуля тивнě пулмалла, пěр хěррине лапчăтнă. Заводить тусан çÿрет, анчах маятник урапин тěнěлě хуçăлнă. Сутса ятăм. Унăнах ылттăн браслетне те тупрăм, хитре, ăна усратăп-ха. Пилěкçěр тенкě пачěç, памарăм, вăл укçа кунта виçě кило çăкăр çеç. Ытти юлташсем те нумай тупнă. Нумайěшěсем вěсен аттисене тăхăнса çÿреççě халě, анчах аттисен кашнинех подъемěсем пěчěккě пирки тăхăнса хывма питě хěн. Хăйсем те çавнашкалах асапланатчěç тет. Кунчисем кěсне аттисен, анчах çирěп, тěпне тимěр пăтасем çапса тултарнă та нихăçан та çěтěлес çук. Патронěсем, винтовкисем, гранатисем, противогазěсем – шутсăрах нумай. Винтовкисем япăх мар ěнтě, пуринчен ытла затворě лайăх. Гранатисем вăйсăр вěсен, винтовкисен вăйě пирěнни пекех, штыкě çеç вěсен хăйă чěрме лайăх. Кěпçин хăвăлě вăтăр см. пысăкрах. Маузер системиллě винтовка, ěлěк те çавах пулнă пуль вěсен? Ну, вěсем вара пирěн «Катюшăран» хăрамаллипех хăраççě, вěсем ăна «адская машина» теççě. Эсир те пěлетěр вăл «Катюша» текен тупăна? Курман пулě ăна. Кăтартмаççě ăна никама та. Эпир аякран çеç курнă. Вăл мěнле тупă иккенне çав тупăран перекен расчетăн командирě те пěлмест. Вăл тупăран перекен çынсене оборона халăх комиссарě кашни уйрăм назначать туса ларать. Нимěçсен аллине те нихăçан та лекмест вăл. Заминировать туна ăна. Ун пек, кун пек пулас пулсан, самантрах пěр шнурне туртатăн та «Катюшăран» тěпренчěксем çеç юлаççě. Ахальтен мар нимěçсем çак тупăна аякран та пулин питě курасшăн. Лекмест вěсене вăл. Унăн авторě чăнах та Сталинла премине тивěçлě пулчě ěнтě.
Темěн те пěр çырса тултартăм, анчах кирлисенех çырма пěлмерěм пулмалла. Мěн тăвас-ха, çавнашкал пурăнатăп кунта. Кěнекесем тупма çук, нимěçсем вěсене юриех çунтарса янă. Гончаровсен çуртěнче мěн тери пуян библиотека пулнă, пěтěмпех аркатса тăкнă. Урамра, канавсенчен виç-тăватă кěнеке пуçтарса тирпейлекелерěм, вěсем те исленсе пěтнě. Çавах та çавсене вулакалатăп.
Эсир, Семен Васильевич, ман патна хаçат çырăнса ярас пирки ан чăрманăр. Кашни патне ярса та çитереймěр, сирěн пата çырса тăраканěсем пайтах. Эпě вăл шутпа мар, ěненěр, вуласа курас пирки çеç çыртăм. Сирěн унта ытлашши номерсем пулаççě, тен, бандерольпе пěр-икě номер ярса памěç-ши, терěм. Çырăнса яма кирлě мар. Бандерольне те укçасăрах ямалла. ăнланмастăп çеç, арăм темшěн ман пата «Кр[асная] Чув[ашия]» çеç ярса панă, эпě «Чăв[аш] ком[муни]» ыйтнăччě. Альманаха яма май пулсан, ярса парăр, Семен Васильевич, кěнеке хакěпе ярса панă расхута переводпа куçарса пама пултаратăп. Альманаха питě курас килеç.
Çакăнпа çитě, халь те нумай çырса тултартăм, каçарăр, ытла та вак-тěвексене çырнăшăн. Хăвăрăн çемьене, ачусене, сире сывлăх сунатăп, пысăк салам Ваçанккана, Сергеев Кузьмана, Эсхеле тата ыттисене те пěр ÿркенмесрěх манран салам калăр.
Сире чěререн юратса Кузьма.
Действующая Красная армия, 1806 полев[ая] почт[овая] станция, 354 отд[ельный] пул[еметно]-арт[иллерийский] батальон, штаб.
Намангану Кузьме Ив[ановичу].
Отметка: Çырура чылаях интересленмелли хыпарсем пур. «Катюша» çинчен сăмахсем пěлтерет.

ГИА ЧР. Ф. Р-1759. Оп. 1. Д. 114. Л. 14-15. Подлинник.
¹ Нимěçсене.
² Нимěçсем.

Письмо красноармейца К.И. Намангана народному поэту Чувашии С.В. Эльгеру

17 июня 1942 г.

Дорогой и уважаемый Семен Васильевич, поверьте, как я обрадовался, когда получил ваше письмо, которое ждал с нетерпением. Очень обрадовался, поднялось настроение, был готов танцевать, как маленький ребенок (здесь такая традиция, что при получении письма надо танцевать, чтобы разнообразить скуку). Скажу без стеснения, перечитал два-три раза. Меня не удивляет смерть Петтоки, в бою так бывает, но очень удивила смерть Ивнина. Был здоров – и как так получилось. Практически все ушли на войну, и народу много нужно, чтобы разбить такого сильного врага. Крепко держатся немцы. Многое не пишут в газетах, но мы-то много видим и знаем. Я расскажу об этом позже, во время встречи.
Скоро и мы вступим в бой. Неделю назад мы уехали, и по какой-то причине вместо нашего батальона был отправлен другой батальон. Теперь я числюсь в ранее прикрепленной роте, которую перевели в другой батальон. Наша рота должна немедленно перейти в расположение этого батальона. А потом либо на фронт, либо в оборону на том же месте. Пока не могу сказать.
До этого жили более-менее спокойно. Были, конечно, случаи: кто-то подорвался на мине, кто-то, неудачно бросив гранату, погиб, но это сами виноваты. В здешних полях на каждом шагу надо быть осторожным. Не заметишь, наступишь на мину – и от тебя останутся только мелкие кусочки. Самое опасное оружие на этой войне – мины. Снаряды, пули, бомбы не так страшны, а мина, как коса, косит под корень.
Сейчас я сижу на одной из лужаек парка графа Чернышева и Гончаровых (место рождения жены Пушкина). Великолепная роща. Разнообразные деревья, причем все прямые, стройные. Много певчих птиц. Ветер с запада доносит беспрерывный гул орудий. Там идут бои за Ржев. Немцы окружены со всех сторон, но тем не менее продолжают сопротивляться. Наши на левом берегу Волги, немцы на правом (река там проходит по середине города). Город в руках двух армий. Не сдаются, черти. Но скоро они будут разгромлены, туда направлено много наших войск. Немцы заминировали перед собой местность протяженностью в несколько километров, к ним невозможно подойти. Сейчас нам предстоит преодолеть эти минные поля и задушить врага. Нелегко пройти через эти мины.
Очень обрадовали договоры, заключенные в Лондоне и Вашингтоне. С нетерпением ждем открытия второго фронта. Когда откроется второй фронт, тогда нам будет легче идти на запад. Немцы слабеют, и это чувствуется. Еще в начале марта они каждый вечер летели над нашими головами в сторону Москвы, и огни зенитных орудий вблизи столицы нам виднелись как иллюминация. А теперь их давно не видно и не слышно, только далекий непрестанный гул орудий в ушах. Если Черчилль и Рузвельт сдержат свое слово, то Гитлер капитулирует, как говорят фашисты. Этого очень ждем.
Сегодня вместе с вашим письмом получил от жены несколько номеров «Красной Чувашии», но там почти нет ожидаемых мной новостей. В основном, сообщения информбюро и эпизоды. Их я регулярно читаю и в «Правде». А мне хочется знать побольше о республиканских новостях, но их очень мало. Узнал о собрании партийного актива, о пребывании нашей делегации на фронте. В Чебоксарах, оказывается, открывают выставку трофеев. А здесь на каждом поле, в каждой деревне «выставка трофеев». Сколько немцев, немецкого оружия и танков, повозок, автомашин находили на полях и в лесах при таянии снега. Сбежали и все бросили. Они до сих пор лежат, и танки стоят поврежденные, вернее, разбитые. Я тоже нашел часы одного немецкого офицера. От него остались только погоны, френч и фотокарточки. Все разрушено. Пилотка в одном месте, противогаз в другом, кругом разбросаны куски френча. В часы, видимо, тоже попала пуля, приплюснута одна сторона. Если завести, тикают, но ось колеса маятника сломана. Продал. У него же нашел золотой браслет, красивый, его еще храню. Предлагали пятьсот рублей, не продал, на эти деньги можно купить лишь три килограмма хлеба. И друзья много чего нашли. Многие из них сейчас носят сапоги фашистов, но их трудно обувать и разувать из-за узкого подъема. Говорят, сами немцы от этого страдали. Голенища короткие, но крепкие, подошвы прибиты железными гвоздями, никогда не порвутся. Патронов, винтовок, гранат, противогазов – бесчисленное множество. Винтовки неплохие, а главное, с хорошим затвором. Гранаты у них слабоватые, винтовки имеют такую же силу, как наши, и только штык хорош для щепания лучины. Длина ствола превышает тридцать см. Винтовка системы Маузера, может, и раньше у них была такая же? Ну а они боятся нашей «Катюши», они называют ее «адской машиной». Вы тоже слышали о «Катюше»? Наверное, не видели ее. Ее никому не показывают. Мы видели только издалека. Даже командир расчета «Катюши» не знал, что это за пушка. В расчет этой установки каждого в отдельности назначает комиссар народной обороны. В руки немцев она никогда не попадет. Заминировали ее. Если это произойдет, быстро поджигают шнур, и от «Катюши» останутся только обломки. Недаром немцы хотя бы издалека очень хотят увидеть эту пушку. Она им не попадается. Ее автор действительно достоин Сталинской премии.
Что только не написал, кроме, видимо, нужного. Что делать, здесь так живу. Невозможно найти книги, немцы специально их сожгли. Какая богатая библиотека была в доме Гончаровых, все уничтожили. В канавке на улице собрал три-четыре растрепанные книги. Вот и читаю их.
Вы, Семен Васильевич, не беспокойтесь о подписке на газеты для меня. К вам многие пишут, каждому не пришлешь. Поверьте, просто хочется читать. Если у вас будут лишние издания, не смогли бы отправить пару номеров бандеролью. Не надо специально оформлять подписку. Бандероль тоже можно отправить бесплатно. Не понимаю, почему жена прислали только «Красную Чувашию», хотя я просил «Чувашскую коммуну». Если есть возможность отправить альманах, присылайте, Семен Васильевич, расходы оплачу. Очень хочется увидеть альманах.
Заканчиваю, и так много чего написал, извините. Желаю здоровья семье, детям, вам, большой привет Васеньке, Сергееву Кузьме, Эсхелю и другим.
С любовью, Кузьма.
Действующая Красная армия, 1806 полев[ая] почт[овая] станция, 354 отд[ельный] пул[еметно]-арт[иллерийский] батальон, штаб.
Намангану Кузьме Ив[ановичу].
Отметка: Письмо содержит довольно интересные сведения. О «Катюше» ходят легенды.

ГИА ЧР. Ф. Р-1759. Оп. 1. Д. 114. Л. 14-15. Подлинник.